Tababaraha Liverpool oo hoos u dhigay bixitaan la Alexandero arnold

Macalinka Liverpool Arne Slot ayaa ku adkeysanaya in daafaca Trent Alexander-Arnold “Sida ay uga go’an taha sii joogida Liverpool” iyadoo mustaqbalkiisa la isla dhexmarayo. Daafaca midig ee England ayaa qandaraaskiisu dhacayaa xagaaga, ilo wareedyo ayaa sheegay in Real Madrid ay sameysay isku dayo badan- laakiin ma jirto wax dalab rasmi ah – oo ku saabsan saxiixiisa Janaayo, taasoo Reds diiday. Warbaahinta Spain ayaa sidoo kale sheegtay in Real ay dooneyso inay soo iibsato 26-sano jirkaan bishaan, laakiin Slot ayaa kalsooni ku qaba inuusan ku mashquulin doonin, waxaana uu xaqiijiyay in Alexander-Arnold uu ku sii jiri doono line-upka Liverpool ee kulanka Manchester United isbuucaan. “Waxaan kuu sheegi karaa inuu ciyaarayo Axadda, waxaana rajeynayaa inuu soo bandhigi doono qaab ciyaareedkii uu keenay nuskii sano ee la soo dhaafay,” ayuu yiri Slot. “Waxaan u maleynayaa in qof walba uu arkay sida weyn ee qeybtii hore ee xilli ciyaareedka uu haysto, inta uu halkaan joogo, inta uu doonayo inuu ku guuleysto halkan. “Waxa aan ku arkaa garoonka tababarka isaga oo maalin walba ka shaqaynaya, si buuxda ayuu anaga noogu go’an yahay waxana uu ciyaari doonaa Axada”. Waxaa sidoo kale la isla dhex marayey mustaqbalka Mohamed Salah iyo Virgil van Dijk maadaama ay sidoo kale ku jiraan lixdii bilood ee ugu dambeysay qandaraaskooda Anfield. Slot wuxuu ku daray: “Haddii ay qalqal gelinayso ciyaartoyda Liverpool haddii dadka kale ay ka hadlaan iyaga, markaa runtii dhibaato ayaan yeelan doonnaa